ФПЛ.мк лига, состојба по шеснаесетто коло

Велат формата е менлива, ама класата – вечна. Па, не нè чуди што сè повеќе во Топ 10 од нашата ФПЛ.мк лига почнуваме да гледаме имиња на кои се навикнавме ланската сезона. Фактот што дури 7 играчи од Топ 50 ја изиграле вајлдкартата минатово, шеснаесетто коло, покажува дека ФПЛ се игра на долг рок. Како и на трка од 400 метри, ќе знаеме на што сме кога ќе излеземе на ширинката. Вака од ракав, имаме уште седум-осум кола до неа.

И покрај навистина ужасно и несреќно коло, Александар Димовски ќе ја заврши 2020-та на врвот од нашата лига. Александар имал паметен трансфер – Паскал Страук место Неко Вилијамс – ама немал ич среќа. Не само што не му играле шест тешкаши (Кејн, Сон, Даер, КДБ, Дијас, ДКЛ), туку и двајца од нив (Кејн и Сон) му биле капитен и заменик-капитен. Оттука, останал без двојни бодови колови. Со 31 бод – или шест помалку од просекот – Александар паднал прилично во повеќето лиги, но сè уште е во Топ 10 во Македонија (10-ти) и меѓу најдобрите 8.000 менаџери во светот (7.828-ми).

Нема промени ниту на втората позиција каде останува Дарко Попоски. Благодарение на добриот тим и малку среќа (не му играле само тројца играчи: Сон, КДБ и ДКЛ), Дарко собрал 50 поени колово, па ја намалил разликата од Александар на само 17. Најголем дел од тие поени му доаѓаат од одбраната (Мекарти, Ејлинг и КВП), ама има и понекој поен од Бруно и Бамфорд, единствениот негов играч што е во тимот на колово. Дарко е 27-ми во Македонија и на работ од Топ 20.000 ирачи во светот.

На само четири поени зад него имаме стар познаник: Крсте Танчевски. Крсте немал среќа со трансферот – го ставил Сон место Рашфорд – ама затоа имал добар тим да ги покрие изгубените седум поени. На одбраната не може а да не му се завидува: Мекарти, ТАА, Робертсон и Далас. Останатите поени се од редовно осомничените: Бруно, Бамфорд и (ама само зашто бил капитен) Салах. Сè на сè, одлични 62 поени за Крсте и пробив во Топ 30.000 играчи во светот. Едновремено, сега е и 37-ми во Македонија.

Остатокот од Топ 10 во табелата подолу (застанете со курсорот над насловите на колоните за да ги одгатнете симболите).