ФПЛ.мк лига, состојба по деветто коло

Да парафразираме наслов на една популарна YA книга, мноштво Александровци на врвот на нашата ФПЛ.мк лига по деветтото коло: дури четворица во Топ 10. Како и минатото коло, само еден од нив е во Топ 3 – овој пат рангиран и едно место погоре.

На чело се навикнавме да го гледаме Виктор Џамто кој колово, до некаде и очекувано, направил два трансфери (Жезус и Бруно место отсутните Салах и К. Вилсон) и, сосема неочекувано, изиграл и Bench Boost. Не му се исплател одиграниот џокер, зашто од клупа собрал само 8 поени – од Патрисио и Нето – но, 0 заедно од Џастин, Мичел и Саис. За среќа, го погодил капитенот (на речиси сите во Топ 10 им бил Бруно) па собрал 70 поени (74-4) и сè уште котира многу високо во светски рамки: 579-ти е. Едновремено, трет е и во Македонија – со само 4 бода зад лидерот.

Највисокопласираниот Александар од четворицата во Топ 10 е Александар Димовски. И тој направил два трансфери (Манчестеровците Линделоф и Бруно место ТАА и Жоржињо) и, и тој ја доделил капитенската трака на Фернандеш. Благодарение на головите на Сон и Калверт-Луин – а и на добрата дефанзива на Мекарти, Зума и Вернер – Александар собрал 73 поени и сега е 29-ти во Македонија и меѓу Топ 17.000 играчи во светот. Но е далеку од Виктор – кој му бега цели 43 поени.

На само 6 поени зад Александар е Ервин Папранику кому трансферот не му направил многу разлика (Поденс место Дијангана). Не му направил многу разлика ниту фактот што собрал 6 бода над просекот (61) зашто онаму каде што е (во Топ 25.000 менаџери на светот) се очекува многу повеќе. Оттука и падот на Ервин – и во нашата лига и во светската, а и во Макеоднија, каде сега е 35-ти.

Остатокот од Топ 10 во табелата подолу (застанете со курсорот над насловите на колоните за да ги одгатнете симболите).